Projekti LAIA u prezantua në një takim me stafin e arsimit të lartë nga të gjitha universitetet publike dhe jopublike në vend, përfaqësues të Ministrisë së Arsimit dhe palë të tjera të interesuara.
Takimi u zhvillua online dhe u organizua nga Zyra Kombëtare Erasmus+ e Shqipërisë si pjesë e Misioneve të Asistencës Teknike të financuara nga Komisioni Europian. Elton Skendaj, menaxher i projektit LAIA për Universitetin Mesdhetar të Shqipërisë, në cilësinë e tij si Ekspert i Reformës së Arsimit të Lartë, prezantoi projektin LAIA dhe përfitimet që projekti do të sjellë për institucionet e arsimit të lartë, studentët dhe bizneset në vend.
Pjesëmarrësit bënë disa pyetje mbi objektivat kryesore të projektit, institucionet e përfshira dhe rezultatet e pritshme.