Universiteti Mesdhetar i Shqipërisë, si partner i rëndësishëm në projektin LAIA-“Laboratory of Artificial Inteligence in Albania and Kosovo”, mori pjesë sot në takimin fillestar për nisjen e projektit në Universitetin e Pireut, Athinë. Takimi mblodhi përfaqësues nga të gjithë universitetet partnere si: University of Southern Denmark, Universiteti Bujqësor i Tiranës, Universiteti Politeknik i Tiranës, Universiteti i Elbasanit, Universum College në Kosovë dhe Universiteti i Prizrenit. Ky takim shënon një hap të rëndësishëm drejt bashkëpunimit të thellë në fushën e inteligjencës artificiale në rajon dhe synon krijimin e një kurrikule të përbashkët të nivelit Master, që mundëson formimin e ekspertëve të inteligjencës artificiale ne Shqipëri dhe Kosovë. Ky projekt përbën një tjetër hap domethënës drejt përmirësimit të vazhdueshëm të programeve të ofruar për të qënë në të njëjtin hap me kërkesat e tregut nderkombëtar të punës në fushën e teknologjisë.