Në kuadër të aktiviteteve informuese të projektit LAIA, u organizua seminari drejtuar studentëve. Qëllimi ishte informimi i studentëve në prag të diplomimit në lidhje me projektin LAIA, prezantimi i qëllimeve dhe synimeve të këtij projekti.

Seminaret u mbajtën përpara diplomimit të studentëve në degën “Informatikë Biznesi” dhe “Menaxhim Sistemesh Informacioni”, në Fakultetin e Ekonomisë dhe Agrobiznesit, në UBT. Studentët kanë qenë kureshtarë, aktivë dhe bashkëpunues, duke bashkëvepruar pozitivisht me grupin e punës së projektit dhe duke vlerësuar mundësitë e reja të ofruara nga projekti.

Duke i pajisur studentët me mjetet e duhura për të përmbushur kërkesat e tregut dhe për t’u përshtatur me standardet e brendshme dhe ndërkombëtare të BE-së, projekti synon të rrisë cilësinë e jetës dhe mundësitë e punësimit, duke nxitur rritjen sistematike në Shqipëri dhe Kosovë.